في عام 2007 وفي المؤتمر الصحفي لليونايتد قبل أول مباراة في الدوري تواجد رونالدو مع السير ، وقدام الجميع السير فيرجسون بيتحدي رونالدو انه لو سجل 15 هدف الموسم دا هيديله 400 جنيه .
2021-12-21
رونالدو وافق علي الرهان وقال انه بيحب التحديات وبالذات اللي ضد مدربينه عشان يثبتلهم انه الأفضل في الفريق ، ووعده بانه هيكسبه .
بعد كام جولة وقبل حوالي 6 شهور اليونايتد بيكسب توتنهام 4/0 ، رونالدو بيحط ضربة جزاء وبيسجل الهدف 15 ليه وبيطلع في المؤتمر الصحفي مع السير ، واحد من الصحفيين الموجودين بيفكره بالرهان وان رونالدو حققه ، عشان يرد عليه السير بسخرية ويقوله : ركلات الجزاء لا تُحتسب ، فرونالدو بيتعصب ويقرر يركز عشان يعوض الأهداف اللي سجلها من ركلات جزاء .
الدوري بينتهي ، اليونايتد بطل ليه ، السير بيخسر الرهان ، رونالدو هداف الدوري برصيد 31 هدف