فالفيردي حلل فترة كرويف مع برشلونة بتحليل عبقري وقال إن اللي بيطالبوا بتطبيق فكر كرويف مش عارفين أصلا كرويف طبق فكره إزاي
2022-01-26
فالفيردي قال كرويف مكانش متطرف لأسلوبه زي الناس ده بالعكس كان بيحب يلعب بدافع قوي ومهاجم قوي بدنيا في مباريات كبير ومكانش بيطلب من الحارس إنه يلعب برجله لأن وقتها مكانش مجبر الحارس إنه يمرر بقدمه وفي مباريات كبيرة لما كان بيلاقي الخصم مش بيضغط كان بيطلب من اللاعيبة تمرر كرات بالعرض وفي المنطقة الخلفية ومكانش بيغامر بجنون في الهجوم إلا في الوقت المناسب
فالفيردي قال جوارديولا نجح بإسلوب كرويف لكن طور فيه وأضاف واجبات للاعبين لأن جودة اللاعبين تسمح بهذا التطوير لكن جوارديولا لو ملقيش جودة اللاعبين هتسمحله بهذا التطوير مكانش هيعمل الشغل ده وكان هيفكر قبل المغامرة
إتسئل على قصة إنه مدربش بعد برشلونة قال إنه تعرض لضغط هائل وإنه مش مستعد يعيش تجربة زي اللي حصلت غير لما يكون دارسها كويس ويحس إنه قادر يشتغل علشان ينجح زي مانجح مع برشلونة وإعترف بان عدم فوز الفريق بدوري الأبطال كان سبب منطقي لرحيله وكمان مقالش حاجة وحشة في برشلونة وقال إن النادي وجمهوره عظيمين وعلشان العظمة ده فهو مش مستعد ينزل بتدريب فريق أقل بطموحات أقل
فالفيردي اه له أخطاء ...هل هو عبقري ؟ لا طبعا
هل هو سيء لا طبعا
هو مدرب جيد درب برشلونة في فترة عصيبة وقدر يجيب الحد الأقصى من النجاحات مع الوضعية الرثة إداريا داخل النادي وحتى علاقة اللاعبين مع بعض كانت منتهى العفن ومحدش كان بيضحي للفريق إلا نادرا وخانته تفاصيل بسيطة جدا ولو كان جاب الأبطال والحظ كان معاه كان بقى مدرب كبير في التاريخ وسر دفاعي عنه إني شفت ظلم كبير إتعرضله دون قراءة كاملة للظروف اللي اتحطتله اللي لو كان جوارديولا نفسه في الظروف ده كان ممكن ميجيبش البطولات اللي جابها في وقتها والله أعلم